嫌凱特fit得滯 親俄傳媒質疑皇室BB搵代母生

Ed(呢啲)

-edyeah呢啲嘢啊?

一名業餘歌唱愛好者, 一名饕餮, 一名喜歡攝影的人士, 一名唏噓的廣告佬。 一名「周身刀,無張利」嘅朋友。

Ed(呢啲)網誌│青衣1961

2015-5-4 17:54
字體: A A A

青衣戲棚一年一度,千呼萬喚萬勿錯過,有食有飲平民天堂,位於青衣市政大廈隔離,由青衣城出發,朝運動場方向出口行去都只不過10分鐘左右。講就好多年,今次趁有個長周末,就去食吓嘢,帶吓經常話我唔帶佢出城嘅老媽子出去。(雖然呢幾個月已經好多時同佢周圍去…都仲投訴)

去到青衣城,順手睇埋自己大富翁80周年展覽。

DSC03436

一入到去,見到大大的竹搭起的戲棚,不得不佩服中國人的傳統智慧,實用性高的科學與藝術結晶。哈哈哈…我呃我媽話棚內係神功戲,無人睇的,真係戲弄到佢一陣。一入到去見到真君的神主位,同埋香燭檔。再走進點就看到一排排的檔口,那才是我們的重點,好不好!

2

上水蒜爆王 – 巴西野味火腎、紐西蘭深海魷魚
再走入啲當你開始被人群包圍,剎那間鬼影重重,滿場都是等食大眾的身影。入到去聞到勁多好嘢食味,但夾雜住一份重重嘅蒜味。我最鍾意口臭嫁啦,即刻拉埋媽媽排隊,好彩排得快,轉眼間我地後面都多咗好多人。由上水飛到出嚟嘅蒜爆王,一睇(聞)就知靠得住啦,無敵香。餐牌有5款嘢,必定有樣啱心水,我哋揀咗火腎同魷魚,一爽一煙軔。蒜爆之名並非浪得虛名,香口同埋唔會炒得過老,兩樣食材都好夠味,賣得夠哂多 ,所以實新鮮啦。

btw,火腎唔知係野味定惹味,唔知係咩野味呢!?我估係錯別字居多。

1

攪攪震原隻西瓜汁
轉眼間,個天黑得好快,人流都開始多。所以母親大人就同我兵分兩路,佢排餃子,我排西瓜汁。西瓜汁用電鑽加攪拌器,呢啲咪香港人嘅生活智慧囉,之前見過片係電鑽批片,呢個西瓜汁快脆得嚟又醒胃。你見全場無乜邊個唔拎住,就知抵佢賺。

DSC03469

元朗有得餃 - 秘製醬汁餃子
餃子又係過江龍,來自元朗,我排完原個西瓜汁,媽媽都未排完餃子。我見未排完就走上前影吓相,老闆們已經勁識做搞哂甫,狂傾計又叫我記得寫多兩句。咁著緊生意又敬業樂業,未食先加分。吹多兩句就已經排到,仲話認得我下次去元朗搵佢地有著數。餃屬少厚皮類,但內裏好足料,係韮菜肉餡,包起公整方形而滾開肉實。最無得頂係佢哋嘅醬汁,少酸少辣,有點似抄手但有蔥蒜茜,秘製醬汁異常開胃醒神。後悔嘅係無買兩碗…唔夠皮!

DSC03476

串燒鮑魚
鮑魚喎,25蚊3隻喎,抵啦喎。條隊又唔算長,燒又燒得唔錯,係全程一檔人的面口比較呆,可能做到手軟了。最好彩係我同媽媽只食一串,咁岩唔洗等。新鮮而殼肉好易分開,爽口而肉鮮,甜得嚟又夠肉汁。

DSC03483

串燒檔 - 雞豬牛、司華力腸
呢間都算係眾多串燒檔最多香火的一間,排隊排到出口轉埋出去。幾部電爐都應付唔到一大班為食餓鬼,排咗15分鐘左右先搞掂,勝在即燒即食,沙爹汁算係唔錯,唯雞肉唔算太抵食,得三舊仔。其他就都抵嫁,大大串,尤其腸大碌又燒得夠脆。

DSC03490

懷舊蛋形殼大菜糕
食到咁上下,梗係搵番啲甜品解吓咸,撞正大菜糕,無得傾,我同媽媽都好有默契點哂頭要食。佢揀咗原味,而我就試吓芒果同蜜瓜,順手影出嚟靚啲。一粒粒恐龍蛋咁大粒,用電話照住影好似寶石咁,雪得夠凍又爽,正到爆。

1

由1961年開辦至今,一年得一次,我走個陣由上而下咁影落去,你就會同我一樣感覺到香港人餓咗呢種大笪地形式嘅夜市幾耐。嘢食有好有一般,整體在水平以上,夜晚竹棚燈火通明,人潮湧湧,耳邊傳來陣陣大戲聲。幾逼都唔會推親大肚婆,踩到人會一聲聲唔好意思對唔住,帶扇的會撥埋隔離個份,這才是香港。

大家大熱天時唔介意身貼身排長龍逼行條窄路,為的除咗趁墟,還有在找那份失落的人情味和親切感。真正的城市發展,更該這樣,搞咩鬼飲食車。

仲有聽日,仲有下下星期可以去,星期六日結良伴挈愛去食吓逼吓啦,包過癮!

青衣戲棚 2015
青衣青綠街38號 (青衣市政大廈旁)
真君寶誕 30 Apr – 4 May (農曆三月十二至十六舉行)
天后寶誕 18 May – 22 May (農曆四月初一至初五舉行)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2015年5月4日 下午5:54

發表評論

讀取中…
美劇廣告:遇查地鐵票 可說「我是中國人」蒙混