微博傳情網誌│心理測驗:找出什麼特長加快令你成功

阿健

-的士佬手記

我叫阿健,的士佬一名,食塵多過你食米,揸車多個你行路。揸一轉的士,甜酸苦辣喜怒哀樂通通見齊。得閒嘅,咪上嚟聽吓我吹水囉。

阿健網誌│跟三個金髮靚女一起過之的士艷史

2014-3-2 13:30
字體: A A A

我寫咗《的士佬手記》都有一段時間,有啲朋友問我:「喂,點解你唔好似網站隔離鄰舍嗰個空姐blog咁,講吓啲的士艷史呀?」乜原來「艷史」真係咁多人鍾意聽,好,就等我今次同大家分享吓啦。

呢單嘢發生喺某年一個夏天,我當佢係我嘅「艷遇」,哈哈!當時風和日麗,下晝兩點度,我駛到的士站等客,跟手接咗四個靚女上車,分別係一拖三,一個菲傭拖住三個金髮美女,菲傭就坐響前面,三個靚女就坐後面。佢地全程嘰呢咕咯、有講有笑,我見佢哋玩得咁開心,都忍唔住響倒後鏡偷偷望咗幾眼。講真,佢地有禮貌,笑容又親切,真係幾可愛架。

跟住揸揸吓車,突然聽到後面有啲換衫聲咁,心諗唔係咁呀?我自然反應,咪喺倒後鏡瞄一瞄。嘩!真係除衫,不過裡面著住泳衣,應該係趕住去游水。記得細細個時,我老媽子都係咁幫我打定底,一到海灘就可以九秒九剝衫跳落水玩,真係快、靚、正。講番單嘢,除衫不單止,中間個o靚妹仲張件外套掟去前面個姐姐度……大家聽到呢度係咪覺得好香艷呢?

不過,都要同大家交待清楚啲,其實嗰三個係未成年少女,加埋都唔夠十八歲。哈哈!其實揸的士有時都好悶,所以我都當呢單係自己嘅「艷遇」嚟架。(阿健)

(網絡圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年3月2日 下午1:30

發表評論

讀取中…
Angelina網誌│機上免稅品購買攻略(上)