《經濟》:政改遭否決 料僅梁特葉劉選特首│丘偉華

民建聯蔣麗芸:我係咪又可以話你哋泛民全部「廢燉」呢?

2015-5-7 15:53
字體: A A A

立法會今早討論2017年普選特首事宜,工黨議員李卓人在會上跟建制派隔空對罵,批評民建聯鍾樹根盲撐政改方案,「鍾樹根幾時都黐起條筋,幾時都要做政治奴隸同奴才,你哋連趙高都不如」,指建制派指鹿為馬稱8.31決定是普選,「係跪低嘅講嘢方法」,強調泛民一定要講真話。

立法會「元秋」、民建聯的蔣麗芸對於自己被批評是奴才,立時被刺激神經,先質疑李卓人違反議事規則,「建制派議員喺社會上,都有一個大家都知的位置,假如佢咁嘅話,咁我係咪又可以話你哋泛民全部『廢燉』呢?」

李卓人聞言後立即反問,雙方於是上演一輪舌劍唇槍:

李:「我聽唔明呀,咩係叫『廢燉』呀?你發明咗啲咩字眼?我想知呢個『廢燉』係咪冒犯性語言,我都唔知佢講乜。」

蔣麗芸就嗆著回應:「簡單啲啦,廢物,叫佢哋。」

李卓人再「請教」:「我想知咩叫『廢燉』,個『燉』字點寫?」

蔣麗芸:「我諗你自己可以查字典,OK?」

李:「字典有呢個『燉』字?字典有『廢燉』呢個字?」

此時,作為小組委員會主席的譚耀宗就試圖為黨友蔣麗芸「幫口」,蔣麗芸再乘機發難批評李卓人,「朝早大家好好地交流緊意見,點解有人要用啲咁低級的字眼,開始來挑釁其他的議員,咁來侮辱其他議員,佢(李卓人)真係好冇禮貌呀主席。」譚耀宗就回應指:「有人發言係有啲咁習慣。」

(圖片來源:蘋果日報)

請支持我們持續發展,透過PayPal或其他方法贊助我們!
金額:
分類:|發表於2015年5月7日 下午3:53

發表評論

讀取中…
大陸旅客台灣病故 家屬揚言無賠償不收遺體