TVB續擁五成數碼頻譜12年 莫乃光:政府助長一台獨大

大嘥鬼夠晒hit 個個基建項目都見到佢?│皇甫清

2015-5-12 22:21
字體: A A A

政府新聞網今日傍晚「開心些牙」咗條片,話環境局吉祥物、鼓勵大家惜食減廢嘅「大嘥鬼」好受歡迎,人氣急升,於是就回一回帶,回顧一下兩年前大嘥鬼嘅誕生,並上載一條當年製作嘅短片,講述「大嘥鬼」嘅創作意念、過程、宣傳策略、目標觀眾群等等。

嗱,平心而論,「大嘥鬼」呢個concept喺政府一眾宣傳運動而言,的確係幾成功嘅,佢嘅fb專頁目前已累積到近13000個likes,每一個post都唔有正面嘅留言,專頁管理員同網民嘅交流亦有唔少人like,尤其是四月中一張玩蛋糕嘅相,更有超過8200個likes。

之不過,呢排「大嘥鬼」老常出現,好似係用嚟印證政府當初口口聲聲話迫在眉睫、唔起唔得嘅基建工程原來都係大白象,例如繞過立法會通過嘅第三條跑道、而家仲未搞得掂一地兩檢,分分鐘要兩地兩檢,成效就隨時衰過直通車嘅高鐵,仲有新鮮滾熱辣,只係啟用咗12年,就因為要用嚟支援第三條跑道啟用後預期增加嘅客運量而要拆卸重建、價值28億嘅機場二號客運大樓。

政府新聞網喺個回帶post度加咗一句「old news is so exciting」,只係香港人一次一次睇住政府「大嘥鬼」上身,亂咁開展基建項目,最後發現「眼闊肚窄」,基建成效同預計差好遠,但公帑同無數人力物力就咁白白用咗。呢啲old news,真係唔知有幾多人覺得so exciting咯!

(撰文:皇甫清)(圖片來源:「大嘥鬼」fb專頁及政府網頁)

請支持我們持續發展,透過PayPal或其他方法贊助我們!
金額:
分類:|發表於2015年5月12日 下午10:21

發表評論

讀取中…
【852Talk】日本成功爭取麥當勞改善食安,廣州得唔得?